Friday, September 8, 2017

കൌതുകം



ഞാന്‍ ഫേസ് ബുക്ക് തിരഞ്ഞു,  ഫേസ് ബുക്കില്‍ ഒക്കെ പരിചയക്കാര്‍ ആണ്. അവരുടെ വിശേഷങ്ങള്‍.. എല്ലാവരും ഉടുത്തൊരുങ്ങി ആഘോഷിക്കുന്ന ഫോട്ടോകള്‍ ആണ് അധികവും ഇടുന്നത്.. 


അതിനിടയില്‍ മാഗസീനും ന്യൂസ് പേപ്പറും ഒക്കെ ഉണ്ട്.. അങ്ങിനെ ഞാന്‍ കൊച്ചു കൊച്ചു സന്തോഷങ്ങള്‍ തേടി നടക്കുന്നതിനിടയില്‍ ഒരു സിറിയന്‍ കുഞ്ഞ് മണലില്‍ മുഖം പൂഴ്ത്തി മരിച്ചു കിടക്കുന്നത് കണ്ടു..


പെട്ടെന്ന് ഒരു സ്തംഭനം ഉണ്ടായി..!! കുഞ്ഞിന്റെ മാതാപിതാക്കളും ഒപ്പം മരിച്ചുപോയി എന്ന ആശ്വാസം ഉണ്ട്. അല്ലെങ്കില്‍ അവര്‍ ശിഷ്ടകാലം വേദനയും സഹിച്ച് എങ്ങിനെ ജീവിക്കുമെ ന്ന അങ്കലാപ്പുണ്ടാകുമായിരുന്നു..


അങ്ങിനെ എങ്ങിനെയെങ്കിലും സമാധാനം കണ്ടെത്തിയാലല്ലെ എനിക്ക് അടുത്ത ന്യൂസ് വായിക്കാനാവൂ..


പെട്ടെന്ന് ഞാന്‍ ഓര്‍ത്തു.. ഞാന്‍ ദുഃഖങ്ങള്‍ക്കിടയില്‍ തിരയുന്നത് അല്പ സന്തോഷത്തിനു വേണ്ടിയാണ്.. 


കുഞ്ഞിന്റെ ഒപ്പം മാതാപിതാക്കള്‍ മരിച്ചുകാണും.. എങ്കിലും അവരുടെ മരണത്താല്‍ ബാധിക്കപ്പെട്ട ഒരു സഹോദരനോ മുത്തച്ഛനോ മുത്തശ്ശിയോ ഒക്കെ കാണും ലോകത്തിന്റെ ഒരു കോണില്‍ വീടും നാടും എല്ലാം നഷ്ടപ്പെട്ട നിലയില്‍..


ഭൂമിയില്‍ തന്നെയാണ് അവരും ഉറക്കം ഉണരുന്നതും രാത്രി എല്ലാം മറന്ന് ഉറങ്ങിപ്പോവുന്നതും!


എന്നിട്ടും ഞാന്‍!! എനിക്ക് അറപ്പായി.. ഞാന്‍ തേടുന്നത് എന്താണ്. എന്നറിയാനാവാതെ..


ഇല്ല അത് സന്തോഷം അല്ല.. വെറുതെ.. ദൈവം സൃഷ്ടിച്ച് ഭൂമിയിലെ അദ്ദേഹത്തിന്റെ പ്രജകള്‍ എങ്ങിനെയൊക്കെ ജീവിക്കുന്നു എന്നറിയാനുള്ള കൌതുകം മാത്രം



Sent from my iPhone

No comments: