Sunday, March 5, 2017

പ്രാര്‍ത്ഥന



എന്നും പ്രാര്‍ത്ഥിക്കണം എന്നു പറയുന്നത്  എന്തിനാണെന്നോ!
തീരെ വയസ്സായി തനിയെ ആവുമ്പോള്‍  രണ്ടുമൂന്ന് വലിയ പ്രാര്‍ത്ഥനകള്‍ എങ്കിലും മനഃപാഠം ആക്കിയാല്‍ അതും ചൊല്ലിക്കൊണ്ട് കിടക്കുമ്പോള്‍ ചിലപ്പോള്‍ ആശ്വാസം തോന്നുമായിരിക്കും അതിനാണ്.

വളരെ പ്രയാസപ്പെട്ടെങ്കിലും മനസ്സിനെ പ്രാര്‍ത്ഥനയിലേയ്ക് വലിച്ചിഴയ്ക്കുക.
പതിയെ പതിയെ അത് ശാന്തമാവും.  പിന്നെ പ്രാര്‍ത്ഥനയില്‍ മുഴുകും. അതിന്റ് അര്‍ത്ഥത്തിലും മറ്റും.
അങ്ങിനെ
നമ്മുടെ തലച്ചോറിന്റെ കുറച്ചു ഭാഗം എങ്കിലും ദൈവവിശ്വാസം കുത്തിനിറച്ചാല്‍ അതിലും കുറച്ചേ ഈ വെളിയിലെ ലൌകീകവിഷയങ്ങള്‍ കൊണ്ട് നിറയൂ.
ലൌകീക വര്‍ത്തമാനങ്ങള്‍ കുത്തിനിറച്ചാല്‍ ഒടുവില്‍ വല്ലാത്ത വിമ്മിഷ്ടമാണ് മനസ്സില്‍. അതേസമയം ഒരല്പ സമയം പ്രാര്‍ത്ഥിക്കുകയോ അതല്ലെങ്കില്‍ മനസ്സിനെ ഒഴിച്ചിട്ട് വെറുതേ ഇരിക്കാനോ പറ്റിയാല്‍ എന്തു മനസ്സമാധാനം കിട്ടുമെന്നോ!

അതുകൊണ്ട് എനിക്ക്  പറയുവാനുള്ളത് ഒന്നുകില്‍ കുറച്ചുസമയം നിര്‍ബ്ബന്ധമായും പ്രാര്‍ത്ഥിക്കണം. അല്ലെങ്കില്‍ കുറച്ചുസമയം എല്ലാറ്റില്‍ നിന്നും വിട്ടകന്ന് മൌനമായി ഒരിടത്ത്  ഇരിക്കണം..ഒന്നും ചിന്തിക്കാതിരിക്കാന്‍ ശ്രമിച്ച് ഇരിക്കുക. അപ്പോള്‍ മനസ്സ് പതിയെ ശാന്തമാകും.

No comments: