Monday, December 19, 2016

ഭൂമിയുടെ അധികാരികള്‍

ഒരു ഇടം ആദ്യമാദ്യം വന്നെത്തിയവര്‍ കയ്യടക്കുന്നു.
ഒരു ദിവസം കഴിഞ്ഞു വന്നെത്തിയവര്‍ പോലും അതിനു പിന്നില്‍ ആവുന്നു.
ഈ നിയമം അറിഞ്ഞും അറിയാതെയും പ്രാവര്‍ത്തികമാക്കുന്നവര്‍ ജീവിതത്തില്‍ മുന്നേറുന്നു. പാര്‍ട്ടികളില്‍, വിവാഹാഘോഷങ്ങളില്‍, ഒത്തുചേരലുകളില്‍ ഒക്കെ ആദ്യമാദ്യം വന്നവര്‍ അധികാരം/ കയ്യടക്കുന്നു. ഇതറിയാവുന്ന മിടുക്കര്‍ എത്തിയാലുടന്‍ ചെയ്യുന്നത് ആദ്യം വന്നെത്തിയവനെ തളര്‍ത്തുക ആയിരിക്കും.  അല്ലെങ്കില്‍ അവന് കിട്ടിയ പിന്‍ബലം ഇല്ലതാക്കുക, തട്ടിപ്പറിക്കുക, നിരായുധനാക്കുക. എന്നിട്ട് പതിയെ മുന്നേറും

പിന്നീട് വന്നവര്‍ ആദ്യം വന്നവരെ വെന്ന് മുന്നേറുന്നെങ്കില്‍ അതിനര്‍ത്ഥം ഒന്നുകില്‍ ആദ്യം വന്നവന്റെ ദാക്ഷിണ്യം, അല്ലങ്കില്‍ പിന്നീട് എത്തിയവരുടെ ചതിപ്രയോഗം
അല്ലെങ്കില്‍ ആദ്യം വന്നവന്റെ ബലഹീനത. എന്തൊക്കെയായാലും പിന്നീട് വന്നവര്‍ മുന്നേറുന്നെങ്കില്‍ അതിനര്‍ത്ഥം അവര്‍ അന്യായമായി, അധാര്‍മ്മികമായി പ്രവര്‍ത്തിച്ചു എന്നതുതന്നെയാണ്.  മൂത്തവരുടെ ബലഹീനത മുതലെടുത്തോ, അവരെ ചതിച്ചോ, അതുമല്ലെങ്കില്‍ അവരുടെ ഔദാര്യം സ്വീകരിച്ച് അവരെതന്നെ 
പിന്തള്ളിയവരോ ആണ്. അതുകൊണ്ട് അത്തരക്കാരെ കണ്ണടച്ച് വിശ്വസിക്കുകയോ സ്നേഹിക്കുകയോ ചെയ്യുന്നത് അബദ്ധത്തില്‍ ചെന്നു ചാടുവാന്‍ സാധ്യതയുണ്ട്..

ഈ നിയമങ്ങള്‍ മനുഷ്യരില്‍ മാത്രമല്ല, ഒരു അക്വേറിയത്തിലെ മീനുകള്‍, ഹാംസ്ടറുകള്‍ , തുടങ്ങി ഇതര ജീവികളിലും പ്രകടമാണ്. സ്ഥലം കയ്യടക്കി സ്വന്തമാക്കാനുള്ള ദുര. അതു നിലനില്‍പ്പിന് അത്യന്താപേക്ഷിതമായതും അതാണല്ലൊ.

മരുമകളും അമ്മാവിയമ്മ പോര് ഒക്കെ ഈ നിയമലംഘനങ്ങളെ ചൊല്ലിയാവും നിലനില്‍പ്പിനായുള്ള, തന്റെ സ്ഥാനം നിലനിര്‍ത്താനുള്ള പോരാട്ടം!
അതില്‍ തോല്‍ക്കുന്നവര്‍ ജയിക്കുന്നവരും ഒരുപോലെ. തെറ്റുകാരും ശരിയുള്ളവരും ഇല്ല. ജയിക്കുന്നവര്‍ ആയിരിക്കും ഇവിടെ അപഹാസ്യര്‍! 

ഈ ലോകത്തിന്റെ നിലനില്‍പ്പുപോലും അത്തരത്തിലാകുമ്പോള്‍(?!) 
നമ്മള്‍ ജീവിക്കുന്നത് ഒരുപക്ഷെ നരകത്തില്‍ ആയിരിക്കുമോ?!

പരസ്പരം പടവെട്ടാതെയും കൊന്നുതിന്നായും സമാധാനമായി ജീവിക്കാന്‍ തക്കവണ്ണം ഉള്ള ഇടങ്ങള്‍ കാണുമായിരിക്കാം. അതിനെയാണ് സ്വര്‍ഗ്ഗം എന്ന പേരിട്ട് നാം വിളിക്കുന്ന സങ്കല്പ ലോകം.

No comments: