Saturday, July 10, 2010

ഒരു പ്രപഞ്ച രഹസ്യം!

ബ്ലോഗ് കേരളാ കൌമുദിയിലൊക്കെ ഇട്ടില്ലേ, ഇനിയെങ്കിലും അല്പം കൂടി ഡീസന്റ് ആയും ചിന്തിച്ചും ഒക്കെ എഴുതാം എന്നു കരുതി വെയിറ്റ് ചെയ്യുകയായിരുന്നു. അങ്ങിനെ ആയപ്പോല്‍ ആത്മയ്ക്ക് എഴുതാന്‍ ഒന്നും തന്നെ ഈ ലോകത്തില്‍ ഇല്ല എന്നു മനസ്സിലായി. എല്ലാം ഇതിനകം വളരെ പേര്‍ പല രൂപത്തിലും ഭാവത്തിലും ഒക്കെ ഗദ്യമായും പദ്യമായും എഴുതിയ കാര്യങ്ങള്‍ ഇനി ഇപ്പം അതിലും നന്നായി ആത്മ എഴുതാം എന്നു കരുതി ഇരുന്നാല്‍ അവിടെ ഇരിക്കാനേ പറ്റൂ...

അതുകൊണ്ട് ആത്മയുടെ സ്വതസിദ്ധമായ ശൈലി തന്നെ എടുക്കാം...
എങ്കിപ്പിന്നെ തുടങ്ങട്ടെ,

ഒന്നാമത് കഴിഞ്ഞ ഒരാഴ്ചയായി സാമാന്യം തരക്കേടില്ലാത്ത ഒരു പനിയുമായി മല്ലടിച്ചുകൊണ്ടാണ് ജീവിച്ചത്! സ്വയം ചികിത്സയായതിനാല്‍ അല്പം കാലതാമസം വന്നു എന്നു തോന്നുന്നു. പോരാത്തതിനു ഒരു ചുമയും.. ഇതിനിടയില്‍ കുന്നുകൂടിയ വീട്ടുജോലികള്‍.. പിന്നെ ഒരുപാട് ആഗ്രഹങ്ങള്‍ പെന്‍ഡിംഗിലായിപ്പോയി. ഒന്നു ഷോപ്പിംഗിനു പോകാനാവുന്നില്ല, ഒരു ചെടി മാറ്റി നടാനാവുന്നില്ല അങ്ങിനെ അല്ലറ ചില്ലറ അസ്വസ്ഥതകള്‍ അത് വളര്‍ന്ന് വളര്‍ന്ന് ആത്മയെ വിഴുങ്ങുന്ന പരുവമായപ്പോള്‍, ‘ടേക്ക് ആക്ഷന്‍ ആത്മേ ടേക്ക് ആക്ഷന്‍..’ എന്ന് ആത്മേടെ മനസ്സാക്ഷി പറഞ്ഞു..

അങ്ങിനെ വിരലിലെണ്ണാവുന്ന കൂട്ടുകാരെയൊക്കെ വിളിച്ചു.. എല്ലാവരും ബോറഡിയാല്‍ ശ്വാസം മുട്ടി.. ജീവിക്കുന്നു.. എന്നേയുള്ളൂ. കഴിഞ്ഞയാഴ്ച നല്ല സ്ഥിതിയില്‍ സംസാരിച്ചവരും ഈ ആഴ്ച ഡിപ്രസ്ഡ്! അപ്പോള്‍ ആ പ്രോബ് ളം സോള്‍വ്ഡ്! ലോകത്തില്‍ മിക്ക വീട്ടമ്മാമാരും ബോറഡി താങ്ങാനാവാതെ ഇഞ്ചിഞ്ചായി വയസ്സായിക്കൊണ്ട് ജീവിക്കുന്നു..! പല സത്യങ്ങളും നമ്മെ മൂടിയിരിക്കുന്ന അന്ധകാരത്തില്‍ നിന്നും നമ്മെ സ്വതന്ത്രരാക്കും!!

ബോറഡി മാറ്റാന്‍ ആത്മ ഒന്നും തന്നെ ചെയ്തില്ല എന്നല്ല ട്ടൊ,
പനി ഒരല്പം വിട്ടുമാറിയ ഉടന്‍ പെന്‍ഡിംഗിലുണ്ടായിരുന്ന ആഗ്രഹങ്ങള്‍ ആക്രാന്തത്തോടെ ചെയ്തു തീര്‍ത്തു.
വെളിയില്‍ രണ്ടുമൂന്ന് ചെടികല്‍ പൊക്കിയെടുത്ത് മാറ്റി നട്ടു! ഷോപ്പിംഗിനു പോയി, ഏഷ്യാനെറ്റ് ചാനല്‍ വാച്ച് ചെയ്ത് ബ് ളോഗൊന്നും എഴുതാതെ ആര്‍മാദിച്ച് ജീവിക്കുന്നവെരെപ്പോലെ അലസമായി ഇരുന്നു..

ഇന്ന് കഥകളി കാണാന്‍ പോകാന്‍ ആഗ്രഹമുണ്ടായിരുന്നു.. പക്ഷെ, വേണ്ടെന്നു വച്ചു.. ചുമ നന്നായി വിട്ടുമാറിയിട്ടില്ലാ താനും.. പിന്നെ, പോകാന്‍ തുടങ്ങിയപ്പോള്‍ പെട്ടെന്ന് വീടിനോട് ഒരു സ്നേഹം! ‘അല്ലയോ ചായപാത്രമേ നിന്നെ ഞാന്‍ എന്തുമാത്രം സ്നേഹിക്കുന്നുണ്ടെന്നറിയാമോ?! അല്ലയോ ചുറ്റും നില്‍ക്കുന്ന ചെടികളേ, മരങ്ങളേ, കൊതുകുകളേ.. നിങ്ങളെയൊക്കെ നിരാശരാക്കി ഞാന്‍ എങ്ങിനെ കെയറ് ഫ്രീയായിരുന്ന് കഥകളി വാച്ച് ചെയ്യാന്‍.. സാരമില്ല, അതിനൊക്കെ ഒരു കാലം വരും.. അന്ന് കാണാം.. പിന്നെ എന്റെ ബ് ളോഗേ നീയും എന്നെ വളരെ കംഫര്‍ട്ടബിള്‍ ആക്കുന്നുണ്ട് ട്ടൊ..’,

തുടരും..

ഒന്നുകില്‍ പനി അല്ലെങ്കില്‍ ബോറഡി അതുമല്ലെങ്കില്‍ പണി തിരക്ക്.. ഇതൊന്നുമല്ലാതെ സമാധാനമായ ഒരു ജീവിതം ഈ ലോകത്തില്‍ ആര്‍ക്കും ഇല്ലേ എന്റെ ദൈവമേ..?!

രാവിലെ ഉള്ളിതൊലിച്ചും മീന്‍ കറിവച്ചും മറ്റും തിരക്കോടു തിരക്കായ ആത്മയോട് ഗൃഹനാഥന്‍ വന്ന് അനൌണ്‍സ് ചെയ്തു.. ‘ഇന്നും കഥകളിയുണ്ട്.. വേണമെങ്കിലും അല്ലെങ്കിലും വന്നോളൂ എന്ന്’
എത്രമണിക്കാ..?
2 മണിക്ക്..
ആത്മയുടെ മക്കള്‍ക്കും ചെറിയ ആഗ്രഹം ഉണ്ടായിരുന്നതുകൊണ്ട് ജോലിയൊക്കെ പരവേശത്തോടെ തീര്‍ത്ത് കുളിച്ച് റഡിയായപ്പോള്‍ പോത്തുപോലെ ഉറങ്ങുന്ന ഗൃഹനാഥന്‍!
സമയം 2 ആയി 2.30 ആയി 3 ആയി. വിളിക്കണോ?!
ഉറങ്ങാത്ത ആള്‍ ഉറങ്ങുമ്പോള്‍ വിളിക്കുന്നത് ശരിയല്ലല്ലൊ, അതുകൊണ്ട് കുറച്ചൂടെ കാത്തു..
പിന്നെ സഹിക്കവയ്യാതെ മകനോട് പരാതി പറഞ്ഞു,
‘കണ്ടോ മക്കളേ.. അമ്മ വിളിച്ചാലും എങ്ങും പോകില്ല എന്ന് പരാതി! ഇപ്പോള്‍ കണ്ടോ വിളിച്ചിട്ട് കിടന്ന് ഉറങ്ങുന്നത്! അവരുടെ പരിപാടി വല്ലതും ആയിരുന്നെങ്കില്‍ ഇങ്ങിനെ ഉറങ്ങുമായിരുന്നോ?!’
അച്ഛനെ രക്ഷിക്കാനായി അപ്രതീക്ഷിതമായി മകന്‍ ഉറക്കെ വിളിച്ചു,
അച്ഛാ, അച്ഛന്‍ ഇന്ന് കഥകളിക്ക് പോകുന്നുണ്ടോ?
അയ്യോ! നിങ്ങള്‍ എന്നെ വിളിക്കാഞ്ഞതെന്തേ? കഥകളി ശരിക്കും 6.30 യ്ക്കാണ്.. അതിനുമുന്‍പ് മറ്റെന്തൊക്കെയോ ആണ്..
‘ഹും! 6മണിയെങ്ങിനെ 2 മണിയാകും മനുഷ്യരെ പറ്റിക്കാനായിട്ട്..’ എന്നൊക്കെ പറഞ്ഞ് ഡയലോഗുമായി ഫൈറ്റിനു ഒരു ചാന്‍സ്..! പിന്നെ പാവം അല്ലെ (ആത്മ) എന്നു കരുതി
വേണ്ടെന്നു വച്ചു..

അങ്ങിനെ 2 മണിമുതല്‍ ഉടുത്ത് ഒരുങ്ങി (വലിയ ഒരുക്കം ഒന്നും ഇല്ല നഷ്ടം വരാന്‍! ഒന്ന് പല്ലുതേച്ച്, കുളിച്ചെന്നേ ഉള്ളൂ..) കഥകളി കാണാന്‍ ഇരിക്കയാണ്..
ഇതിനിടയില്‍ ഏഷ്യാനെറ്റിലെ ‘മഴ’ പരിപാടി ആസ്വദിച്ചു..(ഹൊ! എന്തൊരു മഴ!);
റോസൂട്ടി പനിക്കിടയിലും ആത്മയ്ക്ക് കമന്റൊക്കെ എഴുതിയതോര്‍ത്ത് ചാഞ്ചല്യപ്പെട്ടു!;
ചായയിട്ട് കുടിച്ചു... അങ്ങിനെ ഇരിക്കുന്നു..

ഇനിയിപ്പോള്‍ ഒരിക്കല്‍ക്കൂടി വേഷം മാറണോ?
മക്കളോട് ചോദിച്ചു, ‘മക്കളെ ഇനീം മാറണോ?!’
‘ഓ! എന്തിന്?! ഇത്രേം വൃത്തി തന്നെ അമ്മയ്ക്ക് ഇച്ചിരി കൂടുതലാ..’
ഇനി ഏതു നിമിഷവും പുറത്തേക്കുള്ള ലോകത്തിലേക്ക് ഒന്ന് കാലുകുത്താന്‍ തയ്യാറായി
ഇരിക്കുന്നു ആത്മ.. ഇനിയിപ്പം എന്തായാലും പോയല്ലേ പറ്റൂ...

ബാക്കി പിന്നീട്...
സ്നേഹപൂര്‍വ്വം
ആത്മ

16 comments:

Anitha said...

കൊള്ളാം.. നന്നായിട്ടുണ്ട്...
ഇനിയും ഇതുപോലുള്ള പോസ്റ്റുകള്‍ പ്രതീക്ഷിക്കുന്നു...
ആശംസകളോടെ
അനിത
JunctionKerala.com

ആത്മ said...

ശരിക്കും പറയുകയാണോ?!..:)
നന്ദി!

ഈ ലിങ്ക് തന്ന്തിനും വളരെ നന്ദി ട്ടൊ,

പോയി എഫ്. എം. മലയാളം ലൈവ് റേഡിയോ കേള്‍ക്കുന്നു...!

എന്‍.ബി.സുരേഷ് said...

ആത്മേ, ഒരു പനി വന്നപ്പോൾ ഇത്ര വലിയ ഫിലോസഫിയോ, ദേ കത്തി വയ്ക്കാതെ പനിയെ കുറിച്ച് ചുണയുണ്ടെങ്കിൽ ഒരു പോസ്റ്റ് ഇട്.
ചുമ്മാ പറഞ്ഞതാ.

ആത്മ പറഞ്ഞതാ ശരി, നമ്മുടെ ഉള്ളിനെ എഴുതാതെ ഗൌരവം നടിച്ചിരുന്നാൽ ഒന്നും ബാക്കിയുണ്ടാവില്ല.

നമ്മൾ നോട്ടബിൾ ആയാൽ ഉത്തരവാദിത്വവും കൂടി. അതു പറഞ്ഞല്ലേ സാർത്ര് നോബൽ സമ്മാനം നിഷേധിച്ചത്.

കുഞ്ഞൂസ് (Kunjuss) said...

ആത്മ, ആത്മയായി തന്നെ എഴുതണം, എന്നാലെ ആത്മയുടെ എഴുത്തിനു ഒരു ആത്മാവുണ്ടാവൂ....
എന്നാലെ ആ വായനാസുഖവും ഉള്ളു...
അതിനാല്‍... എഴുത്ത് തുടരുക.കമന്റ്സ് ഇടാറില്ലെങ്കിലും എല്ലാം വായിക്കുന്നുണ്ട്.

ആത്മ said...

എന്‍.ബി.സുരേഷ്,

കമന്റ് വളരെ വളരെ സന്തോഷം നല്‍കി!
നന്ദി!
ഇത്തരം പോസ്റ്റുകളൊന്നും തരക്കേടില്ലാത്തതാണെങ്കില്‍ പിന്നെ എഴുതാന്‍ ആത്മ റഡി..:)

സദാസമയവും ഇത്തരം തലതിരിഞ്ഞ ചിന്തകളുമായാണ്‌ ജീവിക്കുന്നതു തന്നെ..

ആത്മ said...

കുഞ്ഞൂസ്,:)

ആത്മവിശ്വാസം കുറവായ ആത്മയ്ക്ക്
ഇടക്കിടെ വന്ന് ആത്മവിശ്വാസം തരുന്നതിന്‌ വളരെ വളരെ നന്ദി!

സമയം കുറവാണെങ്കിലും ഇതുപോലെ വല്ലപ്പോഴുമെങ്കിലും വരുമല്ലൊ,

Rare Rose said...

എനിക്കും പനി പിടിച്ചു ആത്മേച്ചീ.ആകെ മൂഡൊക്കെ പോയി ഇരിക്കുന്നു.:(
ആത്മേച്ചി ഇഷ്ടമുള്ള പോലെ അങ്ങെഴുതൂന്നേ.വായിക്കാന്‍ ഞങ്ങളൊക്കെയില്ലേ.:)

ആത്മ said...

ഇപ്പോഴത്തെ പനികളൊക്കെ ബ്ലോഗിലൂടെയും പകരുമായിരിക്കും അല്ല്യോ?!

സാരമില്ല ട്ടൊ, മരുന്നൊക്കെ കുടിച്ചേച്ച്, മൂടിപ്പുതച്ച് കിടന്ന് ഉറങ്ങൂ... ഇന്ന് അവധി അല്ല്യോ,
റെസ്റ്റ് എടുക്കൂ..:)

ആത്മ സമയം കിട്ടുമ്പോഴൊക്കെ എഴുതിക്കൊണ്ടിരിക്കാം...

സു | Su said...

ആത്മേച്ചീ, വൈകിപ്പോയെങ്കിലും, അഭിനന്ദനങ്ങൾ. :) ആശംസകളും.

എല്ലാം വായിക്കുന്നുണ്ട്.

ആത്മ said...

അഭിനന്ദനങ്ങള്‍ക്കും ആശംസകള്‍ക്കും നന്ദി!!

വായിക്കുന്നുണ്ട് എന്നറിഞ്ഞതില്‍ വളരെ വളരെ സന്തോഷം!..:)

വല്യമ്മായി said...

പഴയ ശൈലി തന്നെ മതി,അതു തന്നെയാ എനിക്കും ഇഷ്ടം :)

ആത്മ said...

നന്ദി വലിയമ്മായി! :)

Jishad Cronic™ said...

കൊള്ളാം.. നന്നായിട്ടുണ്ട്...

ആത്മ said...

നന്ദി! :)

Rare Rose said...

കഥകളിക്കാര്യവും,എന്നെ പറ്റിയോര്‍ത്ത് ചാഞ്ചല്യപ്പെട്ടതും ഞാനിപ്പോഴാ കണ്ടത്.പനിക്കുട്ടിയായ എന്നെയിവിടെയോര്‍ത്തത് കണ്ടപ്പോള്‍ എനിക്കും സന്തോഷം തോന്നീട്ടോ ആത്മേച്ചീ.:)

അവിടെ നമ്മടെ നാട്ടിലെ പോലെ കഥകളിയൊക്കെ നടത്തുന്നുണ്ടല്ലേ..

ആത്മ said...

റെയറ് റോസിനു സന്തോഷം ആയീന്നറിഞ്ഞപ്പോൾ എനിക്കും സന്തോഷം ആയി..:)

പനിയും ചുമയും ഗന്ധർവ്വ ബാധയും ഒക്കക്കൂടി ആത്മ ഒരു പരുവമായി.. എഴുതാൻ ഒരു ബലം കിട്ടുന്നില്ല..
നേരെയാവാൻ വെയിറ്റ് ചെയ്യുന്നു...